網紅的藏寶箱前日發生咗一件好人好事，話說我搬貨去擺檔時喺屋企樓下冇啦啦一陣怪風吹過，我塊拮滿pin用嚟display嘅松木板應聲落地，全部pin反轉咁跌晒出嚟，我同助手狼狽地踎喺地下執pin，有個阿伯全程圍住我地兜圈望住我地執pin望咗五分鐘，跟住我地執完佢行埋嚟執起地下一舊黑色嘢遞畀我，我伸手接住講咗句：「唔該晒！」
然後我發現嗰舊黑色嘢疑似係人地燒衣紙飛出嚟嗰啲黑色嘢，我想掉返落地但始終係阿伯helpful嘅一片心意，我就將呢片心意放返落佢隻手同佢講：
「呢舊唔係我㗎畀返你！」
然後我就頭也不回狗衝咗上車，留低落寞又幫唔到手嘅阿伯悵然若失咁望住手上嘅衣紙碎同我地遠去嘅背影，我揮一揮衣袖，不帶走一片雲彩。
Search